Presidenti i Këshillit Evropian, Charles Michel ka thënë se marrëdhëniet midis bllokut evropian dhe Rusisë “janë në nivel të ulët” dhe se “situata apo përkeqësimi i mëtejshëm i saj nuk është në interesin e asnjërës palë”.
Në një shkrim në Twitter, Michel tha se marrëdhëniet mund të përmirësohen vetëm “nëse Rusia ndalon sjelljen përçarëse”.
“Trendi në rënie i marrëdhënieve BE-Rusi mund të ndryshojë vetëm nëse Rusia ndalon sjelljen përçarëse”, shkruan Michel.
I conveyed a message of EU unity in my call with president Putin @KremlinRussia_E
The downwards trend in EU-Russia relations can only change if Russia stops disruptive behavior.
Fighting the pandemic and making effective vaccines available to everyone is a goal we discussed. pic.twitter.com/Rhw2B7xMHa
— Charles Michel (@eucopresident) June 7, 2021
Marrëdhëniet midis Rusisë dhe BE-së kanë nisur të përkeqësohen prejse Moska ka aneksuar gadishullin ukrainas të Krimesë në vitin 2014. Në të njëjtin vit, Moska ka nisur mbështetjen edhe për një lëvizje separatiste në lindje të Ukrainës.
Në muajin prill, Republika Çeke – anëtare e BE-së – ka akuzuar agjentët e inteligjencës ruse për kryerjen e një shpërthimi në një depo armësh në vitin 2014. /Telegrafi/