Bernard Challandes është deklaruar para ndeshjes miqësore ndaj San Marinos që zhvillohet në ditët e para të muajit qershor.
Përzgjedhësi i Kosovës ka thënë se kjo miqësore do të jetë tejet e rëndësishme, për të parë gjendjen e skuadrës dhe të tregojnë se çfarë mund të tregojnë.
“Do të luajmë ndaj San Marinos një ndeshje të rëndësishme. San Marino ka një skuadër të mirë. Do të shohim se çfarë mund të tregojmë në këtë takim”, ka thënë Challandes në konferencë për media.
“Kemi luajtur dy ndeshje të vështira ndaj Suedisë dhe Spanjës. Sigurisht se tash kemi kundërshtarë më të lehtë. Ka qenë ideja që të gjejmë kundërshtarë më të lehtë. Ka qenë mundësia më e mirë që ndaj këtyre dy kundërshtarëve lojtarëve të rinj t’u jepet mundësia të tregojnë cilësitë e tyre”, ka thënë Challandes.
Kosova të martën luan me San Marinon në Prishtinë me fillim nga ora 18:00. Më pas më 4 qershor luan miqësore ndaj Maltës, më 8 qershor ndaj Guineas dhe më 11 qershor ndaj Gambisë. /Telegrafi/
