Përzgjedhësi i Kosovës, Bernard Challandes, e ka bërë publike listën e futbollistëve për dy ndeshjet miqësore të muajit qershor.
Në listë janë edhe disa emra të rinj, të cilët për herë të parë do ta veshin fanellën e Përfaqësueses sonë.
Të rikujtojmë se Dardanët, fillimisht do të luajnë në stadiumin “Fadil Vokrri” më 1 qershor kundër San Marinos, derisa më 4 qershor do të përballen me Maltën në Klagenfurt të Austrisë.
Si- njofton FFK, stërvitja e parë është paraparë për të premten (më 28 maj) në stadiumin “Fadil Vokrri” në orën 20:00.
Lista e plotë e lojtarëve të ftuar:
Portierë: Samir Ujkani, Arijanet Muric, Visar Bekaj.
Mbrojtës: Mërgim Vojvoda, Amir Rrahmani, Fidan Aliti, Ibrahim Dresevic, Betim Fazliji, Destan Bajselmani.
Mesfushorë: Bashkim Ajdini, Hekuran Kryeziu, Herolind Shala, Besar Halimi, Idriz Voca, Blendi Idrizi, Lorik Emini, Milot Rashica, Zymer Bytyqi.
Sulmues: Lirim Kastrati, Valmir Sulejmani, Arbër Zeneli, Vedat Muriqi, Astrit Selmani.
/Telegrafi/
