Bernard Challandes ka folur në konferencë pas ndeshjes së humbur të Kosovës ndaj Greqisë, ndërsa nuk ka mundur t’i ikë pyetjeve për festën e Bernard Berishës pas golit.
Përfaqësuesja e Kosovës u mposht me rezultat 1-2 në shtëpi nga Greqia në kuadër të Grupit 3 në Ligën C të Ligës së Kombeve.
Goli i vetëm për Dardanët erdhi në minutën e 84-të dhe ishte Bernard Berisha, i cili shënoi një supergol.
Megjithatë, festa e sulmuesit pejan ishte paksa e ekzagjeruar duke iu drejtuar trajnerit Challandes, i cili u nda i pakënaqur me festën e tij.
“Bernard Berisha ka bërë punë të mirë si zëvendësues. Pres që edhe zëvendësuesit të bëjnë punë të mirë”, ka thënë fillimisht Challandes.
“Ju e patë se mënyra e festimit ishte mesazh për mua. Unë nuk pranojë këtë mënyrë festimi”.
“Unë fola me të. I thash që t’i më tregove që je pjesë e ekipit, por unë jam trajneri dhe nuk mund ta pranojë këtë lloj festimi”.
“I thash është hera e parë dhe e fundit që bënë këso lloj festash”, përfundoi trajneri i Dardanëve. /Telegrafi/