Karim Benzema ka filluar të bëjë gjëra që kemi parë të ndodhin me Cristiano Ronaldon, pasi është e rrallë që një lojë të kalojë pa emrin e tij të përfundojë në listën e shënimeve.
Francezi mund të jetë larg numrave të pabesueshëm që vendosi portugezi, por ai po shkruan historinë e tij.
Të shtunën kundër Celta Vigos, dy golat e realizuara nga ai, e barazuan atë me Santillana si golashënuesi i katërt më i mirë i klubit i të gjitha kohërave në La Liga Santander me 186 sosh.
Kjo ishte vetëm disa ditë pasi greva e tij (për gola) kundër Atalantas e bëri atë vetëm lojtarin e pestë që arriti 70 gola në Ligën e Kampionëve, pas Cristianos, Lionel Messit, Raul Gonzalez dhe Robert Lewandowskit.
Në përgjithësi, Benzema ka 272 gola në fanellë të Real Madridit dhe sigurisht që është vetëm çështje kohe para se të kalojë 290 të Santillana dhe të shkojë te Alfredo Di Stefano dhe Raul.
Javët e fundit, shënimi i golave nga 33-vjeçari ka qenë thelbësor për formën e ringjallur të Los Blancos , dhe ai ka tetë gola në gjashtë paraqitjet e tij të fundit, duke shënuar të paktën një herë në ndeshje.
Në të gjitha garat ai tani ka 23 gola në 32 ndeshje këtë sezon, nga të cilat 17 kanë ardhur në La Liga, duke e vendosur atë në garën për trofeun Pichichi, të cilin nuk e ka fituar deri më tani.
Vetëm një lëndim e ndaloi Benzemën në dy muajt e fundit, dhe forma e tij ka qenë një arsye kryesore pse Real Madridi vazhdon të jetë në garë për trofe në La Liga dhe Ligën e Kampionëve. /Telegrafi/
*1-1-1-2-1-2 tregon numrin e golave që i ka shënuar Karim Benzema në gjashtë ndeshjet e fundit.