Site icon Telegrafi

Çfarë ka transferuar Liverpooli: Pamje nga paraqitja e Alcantaras ndaj Evertonit – spanjolli ishte në çdo prekje magjik

Driton Gajraku

Sa më shumë ndeshje po luan te Liverpooli, aq më shumë Thiago Alcantara po fiton zemrën e tifozëve të The Reds.

Mesfushori spanjoll iu bashkua skuadra angleze në afatin kalimtar të verës nga Bayern Munichu për 30 milionë euro.

Lojtari 29-vjeçar, deri më tani është duke treguar se mund të jetë transferimi më i qëlluar i këtij edicioni në Ligën Premier.

Thiago debutoi në fitoren 2-0 ndaj Chelseat në muajin e kaluar, derisa arriti që të bënte më së shumti pasime sa komplet lojtarët e The Blues dhe theu rekordin e vendosur në ligën angleze nga viti 2003/2004.

I infektuar me COVID-19 në fillim të këtij muaji dhe ia doli të mposhte virusin, për t’u rikthyer n formacionin bazë të Liverpoolit ndaj Evertonit.

Edhe pse skuadra e tij barazoi 2-2, Alcantara i la të gjithë gojë hapur me paraqitje e tij ndaj rivali lokal në Goodison Park.

Statistikat e tij ndaj Evertonit:

Më së shumti prekje të topit (93)

Më së shumti pasime (70)

Më së shumti pasime në pjesën kundërshtare (48)

Më së shumti ndërhyrje të kompletuara (4)

Më së shumti aksione të ndërprera (2). /Telegrafi/

Exit mobile version