Dikush me sa duket kishte nevojë për një tatuazh si një vrimë në kokë – dhe i bëri të dyja.
Një artist tatuazhesh nga Utah postoi një imazh në mediat sociale duke treguar një ngjyrosje iluzioni optik që e bën të duket sikur një nga klientët e tij ka një vrimë në pjesën e pasme të kokës.
Sipas mediave të huaja, përcjell Telegrafi, tatuazhi ishte punë e Matt Pehrson, një artist që drejton Kompaninë Zion Tattoo me qendër në St. George, Utah.
“Bëra një gjë të çmendur për mikun tim Ryan sot…”, shkroi Pehrson në llogarinë e tij në Instagram.
Dhe me një hije të zgjuar, artisti krijoi një iluzion tërheqës duke e bërë të dukej sikur Ryan kishte një vrimë masive në kafkë.
Që nga e enjtja, imazhi në Instagram ka grumbulluar më shumë se 10 mijë pëlqime dhe komente të shumta. /Telegrafi/