Kompania më e madhe amerikane nesër do t’i prezantojë modelet e reja të iPhone (ndër të tjera), e ndjekur nga rituali i njohur për fillimin e shitjeve me para-porosi ose pritjet në linjë para dyqaneve të Apple.
Festimet do të kulmojë me prezantimin e produkteve të reja, në mesin e të cilëve do të jenë edhe modelet e reja të iPhone, përkatësisht iPhone 6S dhe iPhone 6S Plus.
Këtë vit Apple do të ketë shumë më tepër në dyqan. Përveç iPhone-ëve të saj të fundit dhe sistemit të ri operativ, Apple me shumë gjasë do të zbulojë edhe versionin e ri të Apple TV (më në fund!), pajisjet HomeKit, dhe ndoshta edhe në fund do të prezantojë edhe modelin e parë të tabletit iPad Pro.
iPhone 6S dhe 6S Plus është thënë se do të vijnë me kamerë të përmirësuar dhe me rezolucion më të lartë në të dyja anët e pajisjes.
Është thënë disa herë që iPhone-ët e rinj do të kenë kamerën kryesore me 12MP që është e vendosur në anën e pasme dhe e cila do të mundësojë incizim të videove në 4K, ndërsa edhe kamera e përparme do të përmirësohet ndjeshëm për selfie shumë më të mira.
Procesori A9 duhet të pushtojë modelet e reja të iPhone, por këtë vit Apple mund të rrisë edhe RAM memorien e telefonit deri në 2GB, e cila do të jetë një rritje të konsiderueshme e energjisë.
Përmirësime të tjera të rëndësishme përfshijnë iOS 9, Force Touch, një opsion të ri të iPhone 6S me ngjyrë rozë-ari, dhe mundësinë e një versioni të iPhone 6C me ekran më të vogël me 4”. (Telegrafi)