Demokrati, Joe Biden është certifikuar si fituesi i zgjedhjeve presidenciale në Pensilvani, duke arritur kulmin e tre javëve të numërimit të votave dhe një varg sfidash të dështuara ligjore të Donald Trumpit, thanë zyrtarë të shtetit pak çaste më parë.
Departamenti i Shtetit i Pensilvanisë “vërtetoi rezultatet e zgjedhjeve të 3 nëntorit në Pensilvani për president dhe nënkryetar të Shteteve të Bashkuara”, shkroi guvernatori Tom Wolf në llogarinë personale në Twitter.
“Siç kërkohet nga ligji federal, unë kam nënshkruar Certifikatën e Vërtetimit për listën e zgjedhësve për Joe Biden dhe Kamala Harris”, shkroi Wolf.
Today @PAStateDept certified the results of the November 3 election in Pennsylvania for president and vice president of the United States.
As required by federal law, I’ve signed the Certificate of Ascertainment for the slate of electors for Joe Biden and Kamala Harris.
— Governor Josh Shapiro (@GovernorShapiro) November 24, 2020
Departamenti i shtetit tha se “certifikata e konstatimit” e Wolfit është dërguar në arkivën kombëtare në Uashington, DC.
Rezultatet tregojnë se Biden dhe Harris morën 3.46 milionë vota, Trump dhe nënpresidenti, Mike Pence kanë fituar 3.38 milionë gjersa kandidatja e partisë, Libertarian, Jo Jorgensen ka 79 mijë vota.
Trump, i cili humbi 20 votat elektorale të shtetit ndaj Biden, e kishte bërë Pensilvaninë, pjesë kryesore të përpjekjeve ligjore për t’i shpallur të pavlefshëm rezultatet e zgjedhjeve. /Telegrafi/
