Varrimi i Mbretëreshës Elizabeth II dhe periudha pasuese e zisë i kushtuan qeverisë së Mbretërisë së Bashkuar një total prej 186 milionë euro, sipas Thesarit.
Vdekja e saj më 8 shtator të vitit 2022 shkaktoi dhjetë ditë zie kombëtare që më pas u pasua nga një funeral shtetëror më 19 shtator.
Gjatë kësaj periudhe, qindra mijëra njerëz morën rrugët drejt Londrës për t’i bërë nderimet e tyre gjatë qëndrimit të trupit të pajetë në Westminster Hall.
Shefi i Sekretarit të Thesarit, John Glen tha se vdekja e Mbretëreshës Elizabeth II ishte një “moment me rëndësi të madhe kombëtare” dhe se qeveria duhej të siguronte që ngjarjet përreth “të kalonin pa probleme dhe me nivelin e duhur të dinjitetit, duke garantuar në çdo kohë sigurinë e publikut”.
Queen Elizabeth II's funeral and period of national mourning cost £162m, new figures show https://t.co/tFww81KmEx
— Sky News (@SkyNews) May 18, 2023
Në publikimin e kostove të ofruara nga qeveria britanike tregoi se “Home Office” pagoi shumën më të madhe, 85 milionë euro, e cila u ndjek nga Departamenti për Kulturë, Media dhe Sport që shpenzoi 66.1 milionë euro.
Qeveria skoceze shpenzoi 21.6 milion euro, ndërsa qeveria e Uellsit dhe zyra e Irlandës së Veriut, secila pagoi rreth 2.4 milionë euro.
Thesari tha se qeveritë skoceze dhe e Uellsit si dhe zyra e Irlandës së Veriut u rimbursuan plotësisht për kostot e tyre përkatëse.
Më 6 maj, Mbreti Charles III u kurorëzua në Westminster Abbey së bashku me Mbretëreshën e re Camilla. /Telegrafi/