CEO i Pfizer, Albert Bourla zbuloi se njerëzit që janë imunizuar plotësisht (me dy doza) ka shumë të ngjarë të kenë nevojë për një dozë shtesë të vaksinës pas një viti.
Përkundër faktit se personi do të marrë dy doza siç është përshkruar, duket se pas 12 muajsh do të nevojitet një tjetër, e cila do të jetë një përforcues i imunitetit ekzistues.
Kjo është e nevojshme për të ruajtur antitrupat në trup pas një viti, raporton cnbc, dhe studiuesit ende nuk janë të sigurt se sa kohë vaksina mbron në të vërtetë nga coronavirusi.
Bourla gjithashtu tha që njerëzit madje mund të duhet të vaksinohen kundër COVID-19 në bazë vjetore.
Pfizer tha në fillim të këtij muaji se vaksina e saj ishte më shumë se 91 për qind efektive në mbrojtjen kundër infeksionit dhe më shumë se 95 për qind kundër zhvillimit të sëmundjes serioze deri në gjashtë muaj pas dozës së dytë.
Ata gjithashtu thanë se mund të mos ketë nevojë për një dozë të dytë në njerëzit që kanë pasur kohët e fundit virusin, ose në njerëzit që tashmë kanë antitrupa. /Telegrafi/