Një kompani e cila ka dhjetëra dyqane në Arabinë Saudite, është duke u përfolur më së shumti në rrjetet sociale për shkak të reklamës më të re të pishinave të gomës.
Ata kanë modifikuar fotografinë origjinale të një familje duke u argëtuar në pishinë, që shërben si reklamë për këtë produkt, ku zonjën e shtëpisë të veshur me rroba banjo e kanë shlyer dhe në vend të saj e kanë vënë një top, transmeton Telegrafi.
Fëmijëve dhe babait të tyre u janë “veshur” rroba, kurse nëna e tyre është “zhdukur” plotësisht nga fotografia.
Dhe në momentin që kjo fotografi është shfaqur në rrjetet sociale, ka filluar një debat i ashpër lidhur me intervenimin që është bërë në fotografinë reklamuese të pishinës së gomës.
Derisa për dikë ka qenë i pakuptimtë vendimi për ta modifikuar fotografinë, disa tjerë janë shprehur se një gjë e tillë është normale në Arabinë Sauditë, për faktin se gruaja e zhveshur është shlyer nga katalogu. /Telegrafi/
Saudi censorship is just fucking hilarious. The woman just became a ball. pic.twitter.com/xNsN452yhv
— عزيز (@SilentRuins) June 4, 2017
للمسابح حصة كبيرة ضمن عروضات ساكو! لا تفوتوها وقوموا بزيارة معارضنا #الكل_للكلhttps://t.co/YwaR99o792 pic.twitter.com/qL16qJOmJr
— SacoOffers عروض ساكو (@Saco_KSA) June 4, 2017