Almeda Abazi dhe Tolgahan Sayisman tashmë janë duke finalizuar detajet e fundit të dasmës së tyre.
Bukuroshja shqiptare dhe aktori më mirë i njohur në Kosovës si Çenari kanë udhëtuar për në qytetin amerikan të Los Angelosit.
Së bashku me çiftin kanë shkuar edhe prindërit e aktorit, të cilët muaj më parë ishin në shtëpinë e Almedës me rastin e fejesës së tyre, transmeton Telegrafi.
Mediat turke kanë raportuar se dyshja dashurinë e tyre do ta kurorëzojnë pikërisht në Los Angelos, ku do të jenë të pranishëm një numër i vogël i mysafirëve.
Ndryshe, Almeda dhe Tolgahan lidhjen e tyre e kanë filluar para disa vjetësh pasi u njohën duke u shoqëruar me miqtë e tyre të përbashkët. /Telegrafi/
