Cena fitoi të artën në kategorinë deri në 66 kilogramë për grupmoshën prej 45 deri në 49 vjet.
Ai në finale mposhti për 58 sekonda me ‘Ippon’ rusin Nikolay Egorov. Cena deri te titulli kampion arriti pasi fitoi katër luftëra.
Siç njofton Koha, ai në raundin e parë mposhti gjermanin Jorg Rennhack me ‘Ippon’, në raundin e dytë triumfoi ndaj rusit Igor Glyvuk me një ‘yuko’, ndërsa në gjysmëfinale e mposhti me ‘Ippon’ pas 34 sekondave francezin Jean Luc Garcia.
Cena ishte xhudisti i vetëm që përfaqësoi Kosovën në Botërorin e veteranëve. /Telegrafi/