Boston Celtics kanë vazhduar serinë e fitoreve në elitën e basketbollit amerikan NBA.
Celtics kanë marrë fitoren e gjashtë radhazi dhe të 32-ten këtë edicion në elitën e basketbollit amerikan.
Në sfidën e zhvilluar në Spectrum Centre të Charlottet, Celtics kanë triumfuar me 16 pikë diferencë ndaj Charlotte Hornets 106:122.
Jayson Tatum si gjithmonë ka qenë fantastik për liderin e Konferencës së Lindjes, pasi e mbylli ndeshjen me 33 pikë, nëntë kërcime e gjashtë asistime.
Me lojë të mirë te fituesit u dallua edhe fundori Malcolm Brogdon me 30 pikë, derisa qendra Al Horford shtoi 16 të tjera.
Te vendasit më efikasi ishte LaMelo Ball me 31 pikë, shtatë kërcime e nëntë asistime, por që nuk mjaftuan për fitore. /Telegrafi/
