Celina shënon gol fantastik në fitoren ndaj Brentford, Swansea kalon në çerekfinale të Kupës FA

Ylli i Përfaqësueses së Kosovës, Bersant Celina ka vazhduar shkëlqimin te skuadra nga Uellsi, Swansea City.

Swansea ka fituar me rezultat të thellë 4-1 ndaj Brentfordit në ndeshjen e vlefshme për 1/8-tën e Kupës FA.

Kjo fitore ka bërë që Swansea të kalojë tutje në çerekfinale të kësaj gare.

Lexo po ashtu Celina shënon supergol nga distanca ndaj Gillingham, Swansea kalon tutje në Kupën FA

Në këtë ndeshje shenj la edhe ylli i Kosovës, Bersant Celina, i cili shënoi një gol fantastik.

Goli i mesfushorit me tipare sulmuese erdhi në minutën e 67-të të ndeshjes dhe ishte i epërsisë 3-1.

Ky gol ishte fantastik, pasi Celina arriti t’i driblojë dy futbollistë, ku njërit nga ta isha futi topin në mes të këmbëve para se të shënojë.

Ky ishte goli i dytë i Celinës në Kupën FA, ndërsa ka edhe katër tjerë dhe katër asistime në Championship. /Telegrafi/