Anëtari i Këshillit të Përgjithshëm të Partisë Demokratike të Kosovës, Lirak Çelaj thotë se PDK nuk ka arritur të ndryshojë perceptimin e publikut për punët e saj.
“Një nga dështimet e PDK-së është se nuk ka arritur të mbrohet me argumentet që ka pasur. Edhe sukseset që ka pasur PDK-ja nuk ka arritur t’i tregojë para elektoratit”, tha Çelaj në “Debat Plus”.
Çelaj ka shprehur pakënaqësi me partinë pasi sipas tij, PDK pavarësisht se është thirr në emër të UÇK-së, në tri vendet e para në listë nuk ishte askush që lidhet me UÇK-në.
“Jemi thirr në luftën e UÇK-së, por në treshen e parë nuk është asnjë përfaqësues nga UÇK-ja. Njerëzit e PDK-së janë të lidhur me luftën e UÇK-së, apo janë të burgosur politikë”, tha ai, përcjell Telegrafi.
Anëtari i Këshillit të Përgjithshëm të Partisë Demokratike të Kosovës thotë se koalicioni me NISMA-n nuk u bë nga frika e disa personave.
“NISMA është nga brumi i elektoratit të PDK-së. Pse të mos i merrnim ne ato vota. Por mos bërja e këtij koalicioni ishte më shumë frikë personale e disa personave se qëndrim i PDK-së. Unë si anëtarë i Këshillit Drejtues nuk jam pyetur për këtë koalicion”, tha ndër të tjera Lirak Çelaj./Telegrafi/