Sot ministri i Punëve të Jashtme të Çekisë, Tomáš Petříček në konferencën e përbashkët me shefin e diplomacisë së Maqedonisë së Veriut, Nikolla Dimitrov tha se “Kuvendi i Republikës së Çekisë do ta ratifikojë protokollin për anëtarësimin e Republikës së Maqedonisë së Veriut në NATO në verë”.
Petříček e uroi Dimitrovit mbylljen e kontestit me Greqinë dhe theksoi se arritja e marrëveshjes së Prespës është shembull se si dy qeveri mund të zgjidhin një kontest disa vjeçar.
Ai shtoi se vendi duhet të vazhdojë me përpjekjet reformuese për t’i mbyllur gjithë çështjet e hapura duke theksuar se vendi i tij do ta ndihmojë RMV-në në të gjitha fushat me qëllim që pas NATO-s të hapen dyert edhe për në BE-në.
Çekia me Maqedoninë e Veriut do t’i ndajë të gjitha përvojat e saja për fillimin e bisedimeve me BE-në.
“Vendit mund t’i japin përvojat tona dhe shembuj në rrugën drejt anëtarësimin në BE me qëllim që mos i përsëritni gabimet që ne i bëmë, sepse rruga më e mirë është të mos bëhen gabime dhe të mësojmë nga gabimet e huaja”, tha ministri çek, Tomáš Petříček./Telegrafi/