Banorët në kryeqytetin e Çekisë shtruan një darkë masive me një tavolinë prej 500 metrave, për të festuar fundin e masave të izolimit në vend.
Sipas mediave të huaja, përcjell Telegrafi, qytetarët dolën për të festuar mbi urën e famshme “Charles Bridge”, pasi qeveria hoqi kufizimet për tubimet e mëdha.
Republika Çeke zbatoi masat e bllokimit që nga fillimi i shpërthimit global të coronavirusit, dhe u bë një ndër vendet e para që sugjeroi qytetarët të bartin maskat.
Kjo do të thotë se vendasit tashmë mund të shijojnë organizimet për këto festime, si dhe të shmangin distancimin shoqëror për të kremtuar progresin që ndërtoi vendi gjatë këtyre muajve. /Telegrafi/
