Ish drejtori i Byrosë për Siguri Publike, Mitko Çavkov përsëri ofron garanci prej 600.000 eurove para Gjykatës së Apelit që të pranohet kërkesa e tij të mbrohet në liri.
Për momentin i dënuari me 18 vite për ngjarjet në Kuvend më 27 prill është në burgun e Shuto Orizares dhe nga atje pret vendimin përfundimtar, përcjell Telegrafi Maqedoni.
Të dënuarit tjerë të cilët gjithashtu kanë ofruar kërkesë të mbrohen në liri janë Dushko Lazarov, Goran Gjoshevski, Nikolla Mitrevski dhe Abudulfetah Alimi.
Garancia e Gjoshevski është 434.000 euro ndërsa garancia e Dushko Lazarov është 770.000 euro në patundshmëri, njofton “SDK”.
Supozohet se të gjithë kanë dërguar kërkesë për amnisti deri te kabinet i Gjorge Ivanov./Telegrafi/