Ministri i brendshëm, Mitko Çavkov, në konferencën e sotme për shtyp ka vërtetuar se është aktivizuar kontrolli o brendshëm dhe e heton përgjegjësinë penale në rastin e nuses me pushkë automatike, transmeton Telegrafi Maqedoni.
„Janë vërtetuar fakte të cilat tregojnë se bëhet fjalë për aheng familjar dhe për një armë e cila nuk është zyrtare. Por, ekzistojnë tregues serioz se ka shkelje të jo vetëm dispozitave lidhur me Ligjin për punë të brendshme, por jemi duke hetuar edhe përgjegjësi eventuale penale. Kështu që po, kemi raport për këtë rast”, ka thënë Çavkov.
Nga ana tjetër përmes rrjetit social Facebook është paraqitur edhe babai i nuses e cila ka qëlluar me pushkë automatike.
“Jam shumë më i fuqishëm se sa mendojnë të tjerët, po të na rrëzojnë edhe në gju nuk do të heqim dorë nga identiteti jonë, OBRM-PDUKM, luftë për jetë dhe ideologji” ka shkruar ai në Facebook./Telegrafi/
Po ashtu lexo: https://telegrafi.com/nusja-maqedonase-qe-festoi-dasmen-krisma-pushke-videofoto/