Në orët e para të ditës së sotme janë zhvilluar nëntë ndeshjen në ligën më të fortë në botë në basketboll.
Nënkampioni aktual i NBA-s, Cleveland Cavaliers ka shënuar fitoren e radhës në kampionatin amerikan.
Cavs triumfuan si mysafirë të skuadrës së Atlanta Hawks me rezultat 123-107.
Mysafirët treguan cilësitë e tyre gjatë katër çerekëve të takimit, ku në të gjitha dolën fitues për të korrur në fund fitoren e radhës.
Jeff Green me 24 pikë dhe LeBron James “triple-double” në saje të 22 pikëve, 19 asistimeve dhe 12 kërcimeve ishin më të mirë te Cavaliers.
Në anën tjetër, Dennis Schroder ishte më efikasi te Hawks me 25 pikë Taurean Prince shtoi 15 sosh.
Pas kësaj, Cavs ka bilanc prej 32 fitoresh dhe 22 humbje ndërsa për Hawks ky ishte pësimi i 39 kundrejt 17 fitoreve.
Ndryshe, Cleveland takimin e radhës do ta zhvillojë kundër Boston Celtics ndërsa Atlanta do të jetë mysafire e Detroit Pistons. /Telegrafi/
Rezultatet tjera:
Minnesota Timberwolves 113-114 Chicago Bulls
Denver Nuggets 104-130 Houston Rockets
Milwaukee Bucks 85-91 Miami Heat
Indiana Pacers 97-91 Boston Celtics
Los Angeles Clippers 108-95 Detroit Pistons
Utah Jazz – 106-94 Charlotte Hornets
Philadelphia 76ers 100-82 New Orleans Pelicans
Portland TrailBlazers 118-100 Sacramento Kings