Catherine Zeta-Jones është zgjedhur për të luajtur rolin e Morticia në serinë e ardhshme, “Wednesday Adams”, që do të transmetohet në Netflix.
Aktorja fituese e çmimit Oscar do të luajë në një seri prej tetë episodesh së bashku me aktorët Jenna Ortega dhe Luis Guzman.
Ortega do të luajë rolin e Wednesday, derisa Guzman do të portretizojë Gomez Addams, bashkëshortin e Morticias.
Catherine Zeta-Jones cast as Morticia in Wednesday Addams Netflix series https://t.co/wNxzXXY6En pic.twitter.com/yHf7RotUy0
— Page Six (@PageSix) August 9, 2021
Komedia me një prekje misteri do të ketë një element të mbinatyrshëm, sepse shikuesit do të ndjekin ditët shkollore të Wednesday Addams në Akademinë Nevermore.
Ndërsa ndjek mësimet, ajo do të duhet të mësojë se si të kontrollojë aftësitë psikike në rritje, si dhe të merret me një seri vrasjesh që kanë filluar të terrorizojnë qytetin lokal.
Përveç kësaj, protagonistja duhet të zgjidhë një mister të 25 viteve më parë, në të cilin janë përfshirë prindërit e saj. /Telegrafi/