Milani e ka nxjerr në shitje sulmuesin spanjoll Samu Castillejo.
Anësori këmbëshpejtë është pjesë e gjigantit italian që nga vera e vitit 2018 kur iu bashkua nga Villareal.
Megjithatë trajneri Stefano Pioli nuk po llogarit në shërbimet e tij për të ardhmen dhe i ka bërë të qartë të kërkojë një skuadër të re.
Rossonerët e kanë nxjerrë në shitje tanimë yllin spanjoll dhe janë në pritje të ofertës më të mirë.
Sipas mediave italiane, Milani që shpenzoi 21,3 milionë euro në vitin 2018, tani kërkon mbi 10 milionë euro për ta lënë të lirë.
E ardhmja e Castillejos duket se do të jetë përsëri në vendlindjen e tij në Spanjë.
Tri skuadrat e mëdha spanjolle, Atletico Madrid, Sevilla dhe Valencia kanë shprehur interesim për rikthimin e tij në La Liga.
26-vjeçari këtë edicion ka zhvilluar 39 ndeshje në të gjitha garat ku ka shënuar tre gola dhe ka bërë tre asistime. /Telegrafi/