Ish-sulmuesi i shumë skuadrave italiane, Antonio Cassano beson se ylli portugez, Cristiano Ronaldo nuk ka vend në planet e trajnerit të Juventusit, Andrea Pirlo.
Cassano ka folur për lojën pas humbjes së Juventusit me rezultat 2-0 nga Interi të dielën në mbrëmje.
Italiani ka folur në theks të veçantë për yllin e Bianconerëve, Ronaldon, i cili sipas tij nuk mund të jetë në planet e trajnerit Pirlo.
“Interi ka shkatërruar Juventusin. Unë nuk do ta kisha imagjinuar atë, mendova se ata do të kishin luajtur më mirë”, ka thënë fillimisht Cassano.
“Kohë më parë thashë që Cristiano Ronaldo do të kishte qenë një problem për idetë e Pirlos. Nuk e gjykoj Ronaldon, i cili ka shënuar 800 gola, por në një cikël të ri me idetë e Andreas, ku ju duhet të shtypni përpara, unë pashë Ronaldon që po fillon të luftojë”.
“Unë nuk e shoh atë në idetë e Pirlos, në ndeshjet e fundit, midis rreshtave”.
“Besoj në idenë e Andreas, ai do të ketë një të ardhme, por tani në një moment tranzicioni për Juventusin është një problem”, përfundoi ish-sulmuesi italian. /Telegrafi/