Antonio Cassano thotë se Interi do të fitojë mbi Juventusin në ‘luftën’ për Scudetto këtë sezon.
Juve i ka fituar tetë titujt e fundit në Serie A dhe aktualisht është lider në kampionat me Interin që ka një pikë më pak.
Sidoqoftë, Cassano në një intervistë për La Repubblica kur u pyet për të preferuarën e tij për titull, u përgjigj për Interin.
“Ata më kujtojnë Juventusin në vitin e tyre të parë me Conten. Unë isha në Milan dhe ne humbëm Scudetton ndaj tyre”.
“Nëse Juve humb disa pikë rrugës dhe Interi vazhdon të kërcënojë, Conte do të shkojë drejt [titullit]”.
“Sigurisht, Juve janë mjaft të mirë për Scudetto. Juve aktuale kanë dy ekipe dhe mbeten më të fuqishmit dhe më të kompletuarit [në Itali]”.
“Sidoqoftë, ju mund ta shihni nga një milje larg se ata janë të programuar për ta synuar Ligën e Kampionëve”.
Ish-sulmuesi u tërhoq nga futbolli vitin e kaluar dhe e ka mbyllur shkollimin për drejtor sportiv. /Telegrafi/