Iker Casillas është rikthyer në kohë që të flas për luftën që e kishte me Jose Mourinhon kur të dy ishin pjesë e Real Madridit.
Legjenda spanjolle ka thënë se ai nuk ka zbuluar asnjëherë në media gjërat që kishin ndodhur në zhveshtore edhe pse bashkëshortja e tij është gazetare.
“Ai (Mourinho) më akuzonte se unë isha shok i mediave”, ka thënë Casillas në një intervistë për Movistar+.
“I njoh gazetarët në media, si mund të mos i njoh? Por, është diçka tjetër kur vije pyetja te gjërat sekrete në klub”.
“Disa persona po flisnin për mua në klub, por unë heshta, nuk u përgjigja dhe e pranova se isha një shënjestër”, ka shtuar më tej portieri legjendar. /Telegrafi/