Ministrja e Punës dhe Politikës Sociale, Milla Carovska sot ishte për vizitë pune në Qendrën për punë sociale në Kavadar, përcjell Telegrafi Maqedoni.
Sipas ministres, qendra e Kavadarit është një prej tridhjetë qendrave në territorin e Maqedonisë të cilat shërbejnë mbi 200 mijë qytetarë të cilët janë në rrezik social dhe kanë probleme sociale.
‘BE me kofinancimin e tyre siguroi pajisjen teknike dhe rikonstruimin e 28 qendrave për punë sociale në territorin e RM-së. Në mënyrë plotësuese, 30 qendra u bënë me automjete dhe ky është hapi i parë në të cilin do të bëjmë rikonstruim të sistemit për mbrojtje sociale’, kumtoi ajo, njofton AIM.
Ajo shtoi se, nëse qendrat nuk shkojnë në terren, nuk kanë automjet dhe nëse kushtet për punë dhe të punonjësve social dhe kuadrit profesional janë me të vërtetë të këqija, atëherë nuk mund të flitet për mbrojtje sociale cilësore. /Telegrafi/