Cara Delevingne u pa të hënën teksa mbërriti në aeroportin “Charles de Gaulle” në Paris për javën e modës të qytetit.
Modelja 30 vjeçe kishte vënë një maskë për fytyrën, duke veshur një kostum me kuadrate për pamjen, shkruan DailyMail.
Por mbërritja e saj atje vjen pas një sërë sjelljesh të çrregullta, duke përfshirë një incident të fundit në aeroportin “Van Nuys” – ku ajo u shfaq e turbulluar ndërsa përgatitej të hipte në avionin privat në pronësi të reperit Jay-Z.
Incidentet dyshohet se kanë ngjallur shqetësim për mirëqenien e saj personale – me pretendimet që qarkullojnë se familja e saj do të organizojë një ndërhyrje.
Me të mbërritur në qytetin e modës, Cara kishte veshur një palë pantallona të qepura me dizajne të ndryshme marine, të kuqe dhe të bardhë me kuadrate në secilën këmbë.
Ajo i kombinoi pantallonat me një xhaketë sportive të të njëjtit dizajn, duke e kombinuar atë me një bluzë të thjeshtë të bardhë me mëngë të gjata.
Vendasja nga Londra e përfundoi pamjen me një palë këpucë të zeza me lidhëse – duke i mbështjellë kufjet rreth qafës për udhëtimin e saj.
Dhe ylli ishte pothuajse e panjohur në fotografi, duke i shtuar pamjes një palë syze dielli dhe maskë kundër COVID-19.
Duke kaluar nëpër aeroport, ajo mbajti kokën ulur dhe sytë e fiksuar në celularin e saj.
Cara mbërriti në kryeqytetin francez për ditën e parë të javës së modës, ku ikona të stilit si Naomi Campbell dhe Bella Hadid u ngjitën në pasarelën e markës “Burberry”. /Telegrafi/