Cara Delevingne dhe Emma Roberts u shfaqën së bashku në xhirime të sezonit të ardhshëm të “American Horror Story” në New York të hënën.
Modelja, 30-vjeçe, dukej e panjohur teksa e bëri trotuarin një pasarelë duke ecur me çizme të kuqe me platformë.
Personazhi i famshëm mori vëmendje me çizmet interesante dhe dorezat prej lëkure të kuqe, të cilat i kombinoi me një kostum të zi.
32-vjeçarja nga ana tjetër u shfaq me një pallto të gjatë gri, çizme të zeza, çantë kafe si dhe një kapelë rozë.
Ndërsa kjo është hera e parë e Caras në “American Horror Story”, Emma më parë luajti nga 2013 deri në 2019 gjatë sezonit të tretë, sezonit të katërt, sezonit të shtatë dhe sezonit të tetë; ajo luajti Madison Montgomery, Maggie Esmerelda, Serena Belinda dhe Brooke Thompson.
Por disa fansa kërcënuan se do të bojkotojnë shfaqjen pasi Kim Kardashian njoftoi se do t’i bashkohet kastit.
42-vjeçarja publikoi lajmin surprizë në Instagram në fillim të këtij muaji, përmes ‘trailer’-it që shpërndau, i cili u postua edhe në Instagramin zyrtar të “American Horror Story”.
Ankesat vijnë pavarësisht se “American Horror Story” ka një histori të gjatë të marrjes së personazheve të famshëm ndër vite.
Një nga rolet e para të aktrimit të Lady Gagas ishte ‘Countess’.
Dhe seriali ka parë gjithashtu paraqitje të yjeve të ftuar nga supermodelja Naomi Campbell, këngëtari Steve Nicks dhe Adam Levine i “Maroon 5”. /Telegrafi/
