Fabio Cannavaro kërkon që ta pasojë Antonio Conten në postin e trajnerit të Kombëtares italiane.
Conte ka paralajmëruar tashmë se do të largohet prej drejtimit të Italisë pas kampionatit evropian, i cili do të zhvillohet gjatë verës në Francë.
Ish-reprezentuesi italian, i cili aktualisht është i papunë, po kërkon që të merr drejtimin e shtabit teknik italian, transmeton Telegrafi.
“Do të më pëlqente shumë të drejtoja kombëtaren e Italisë”, tha ish fituesi i ‘Topit të Artë’.
“Jam i vetëdijshëm për përgjegjësitë, por unë kam luajtur 15 vjet me Italinë. Mendoj që kam përvojën e duhur për këtë rol dhe për më tepër e njoh edhe mjedisin shumë mirë”, th Cannavaro për Sky Sport Italia.
Ish qendërmbrojtësi 42 vjeçar nuk ka shumë përvojë si trajner, pasi në të kaluarën ka drejtuar vetëm skuadrën kineze të Guangzhou Evergrande dhe atë arabe, Al-Nassr. /Telegrafi/