Mbretëresha Elizabeta e Dytë ka deklaruar se dëshiron që Camilla, Dukesha e Cornwall-it, të njihet si Mbretëreshë, (Queen Consort) kur Princi Charles të bëhet Mbret.
Sipas BBC, përcjell Telegrafi, në një mesazh për shënimin e 70-vjetorit të qeverisjes së saj, Mbretëresha tha se ishte “dëshira e saj e sinqertë”, që Camilla ta kishte atë titull.
Kishte sugjerime që Camilla do të njihej me titullin e Princeshës (Princess Consort).
Por njoftimi i Mbretëreshës hap rrugën që ajo të njihet në të ardhmen si Mbretëresha Camilla.
Një zëdhënës i Clarence House tha se Princi i Uellsit dhe Dukesha e Cornwall ishin “të nderuar” me njoftimin.
Mesazhi i Mbretëreshës që shënon ngjitjen e saj në fron në vitin 1952, adreson drejtpërdrejt çështjen e pazgjidhur të titullit të ardhshëm të Dukeshës së Cornwall-it.
“Është dëshira ime e sinqertë që kur të vijë koha, Camilla të njihet si Quen Consort”, shkruan ajo.
“Queen Consort”, i referohet bashkëshortes së një mbreti në pushtet. /Telegrafi/