Camila Cabello është kthyer në “Saturday Night Live”, dhe ajo solli edhe një tjetër artiste me të.
E nominuara për çmimin “Grammy” performoi “Psychofreak” së bashku me Willow Smith, e cila shfaqet në këngë, ndërsa ajo u kthye si e ftuar muzikore këtë fundjavë në “SNL” gjatë një episodi të organizuar nga Jake Gyllenhaal.
Cabello ishte e veshur me një kostum lëkure të zi të strukturuar me doreza të kuqe, ndërsa Smith kishte veshur një xhaketë sportive të kuqe të prerë me një fund të ngjashëm dhe çorape të zeza deri në kofshë, ndërsa shoqëronte artisten në kitarë.
Performanca, e cila ishte paraqitja e parë publike e Willow që kur babai i saj Will Smith goditi Chris Rock në fytyrë në çmimet e 94-të të Academy Awards, erdhi pasi Colin Jost bëri një shaka më herët në shfaqjen në Weekend Update rreth ndalimit të aktorit të “King Richard” nga shfaqja e çmimeve për 10 vjet, shkruan People.
Para duetit të saj me Willow, Cabello performoi këngën tjetër të saj “Bam Bam”, për të cilën ajo u shoqërua nga kërcimtarë. Ajo zgjodhi një xhaketë sportive shumëngjyrëshe mbi një kostume trupore dhe pantallona të shkurtra xhins të prera me rrjeta dhe çizme të zeza deri te kofshët.
Ish-anëtarja e “Fifth Harmony” u shfaq për herë të parë në “SNL” në vitin 2019, kur ajo ishte e ftuara muzikore për një episod të organizuar nga ylli i “Stranger Things”, David Harbor.
Performanca e saj e së shtunës vjen menjëherë pas publikimit të albumit të saj të ri “Familia”, i cili u publikua të premten (8 prill).
“Familia” shënon albumin e tretë të Cabellos, ajo më parë publikoi “Camila” në vitin2018, e cila u pasua nga “Romance” në 2019.
Para se të dilte solo, Cabello ishte anëtare e grupit të vajzave “Fifth Harmony”, i cili u formua në 2012 në X Factor, Cabello u largua nga grupi në 2016.
Grupi i vajzave u shpërbë në vitin 2018. /Telegrafi/
