Aktorja Cameron Diaz dhe bashkëshorti i saj, muzikanti Benji Madden, thonë se janë “të bekuar dhe mirënjohës” që kanë mirëpritur në familjen e tyre një djalë – Cardinal Madden.
Çifti njoftoi ardhjen e djalit të tyre në një postim në Instagram të shpërndarë të premten.
“Është i mrekullueshëm dhe jemi të gjithë shumë të lumtur që është këtu! Për sigurinë dhe privatësinë e fëmijëve, ne nuk do të postojmë asnjë foto”, thuhet në një njoftim.
“Ndihemi kaq të bekuar dhe mirënjohës”, thuhej në postimin, i cili përfshinte një ilustrim me fjalët, “Një zog i vogël më pëshpëriti”.
Diaz dhe Madden përdorën gjithashtu Instagramin për të njoftuar lindjen e një vajze, Raddix, në vitin 2020.
Ata thanë në atë kohë se nuk kishin në plan të shpërndanin më shumë foto apo detaje, për të mbrojtur privatësinë e familjes së tyre.
Diaz, filmat e të cilit përfshijnë “There’s Something About Mary” dhe “Charlie’s Angels”, u martua me Madden, një anëtar i grupit “Good Charlotte”, në fillim të vitit 2015. /Telegrafi/
