Presidenti i SHBA-së, Donald Trump, ka paralajmëruar sot se Shtëpia e Paqes në kufirin midis Koresë Veriore dhe Jugore, mund të jetë vendi i takimit të tij me udhëheqësin e Koresë së Veriut, Kim Jong-Un.
“Ne konsiderojmë shumë vende si një vend takimi, por a do të ishte Shtëpia e Paqes / Lirisë, në kufirin e Koresë së Veriut dhe të Jugut, vend më reprezentues dhe më i rëndësishëm se një vend i tretë, thjesht pyes veten!” shkruan Trump në Twitter.
Muaj më parë një takim i tillë po të përflitej do të konsiderohej si i pabesueshëm, për faktin se liderët e dy vendeve vazhdimisht kërcënonin njëra-tjetrën me sulme të ashpra me raketa ndërkontinentale.
Megjithatë, gjërat kanë ndryshuar që kur u takuan liderët e Koresë së Veriut me atë të Jugut, si dhe zyrtarizimi i fotografive nga takimi i Mike Pence me liderin Kim Jong-un. /kp/Telegrafi/