Eliminimi i Napolit në Ligën e Evropës do të thotë që tani ka një datë për ndeshjen e tyre të ri-planifikuar në Serie A me Juventusin, dhe ajo datë thuhet se është 17 mars.
Ndeshja e javës së tretë u vendos fillimisht për 4 tetor 2020 dhe u ndërpre kur Napoli nuk udhëtoi për shkak të rasteve të shumta dhe rregullave të COVID-it.
Atyre iu hoq një pik dhe iu dha një humbje automatike 3-0 për shkak se nuk iu përmbahen protokollit të COVID, por fituan në apel, që do të thotë se loja tani duhet të luhet.
Kjo krijoi një problem të ri, pasi orari ishte aq i ngjeshur saqë ishte e pamundur të gjesh një datë për ta riorganizuar atë.
Tani që Napoli është jashtë Ligës së Evropës, kjo ka hapur një dritare, veçanërisht për t’u luajtur të enjten më 17 mars.
Ky takim thuhet se do të fillojë në ora 17:45 dhe do të zhvillohet në stadiumin Allianz në Torino.
Kjo do të jetë data edhe për ndeshjen Torino-Sassuolo, e cila do të luhej këtë javë, por u shty për shkak të një shpërthimi të rasteve të COVID-it te Toro. /Telegrafi/