Komisioni Qendror i Zgjedhjeve pritet që ditëve në vazhdim të certifikojë rezultatet e zgjedhjeve të 9 shkurtit.
E, derisa ende nuk ka certifikim të këtyre rezultateve, Eugen Cakolli nga Instituti Demokratik i Kosovës ka thënë që Qeveria aktuale ushtron të gjitha kompetencat e saj kushtetuese, transmeton Telegrafi.
“Mandati i Qeverisë lidhet drejtpërdrejt me mandatin e Kuvendit, i cili përfundon me certifikimin e rezultateve të zgjedhjeve, jo me përmbushjen e katër viteve nga konstituimi i Kuvendit (22 mars). Prandaj, Qeveria aktuale ushtron të gjitha kompetencat e saj kushtetuese deri në certifikimin e rezultateve nga KQZ-ja”, ka pohuar ai.
Cakolli ka theksuar se “Anëtarët e kabinetit qeveritar që janë zgjedhur deputetë duhet të japin dorëheqje para certifikimit të rezultateve”.
“Vetëm atëherë, Qeveria kalon në statusin e “Qeverisë në detyrë” – derisa të zgjidhet Qeveria e re”.
Ndryshe, sipas rezultateve preliminare, LVV radhitet e para, PDK e dyta dhe LDK e treta./Telegrafi/
