Caitlyn Jenner do të dëshironte që Kourtney Kardashian dhe Scott Disick të riktheheshin së bashku.
70-vjeçarja ende shpreson që dyshja mund të kenë një mundësi tjetër, ani pse u ndanë në vitin 2015, shkruan Daily Mail.
Një dëshirë e tillë vjen pasi gjatë lidhjes së tyre ata gëzuan tre fëmijë, Mason, Penelope dhe Reign.
“Shpresoj që Scott mund të bashkohet me të. Ata kanë gjithë ata fëmijë së bashku. Mendoj që është gjithmonë mirë për fëmijët të kenë një nënë dhe baba që janë për ta në çdo moment”, është shprehur ajo.
Ajo përmendi se dy fëmijët e saj, Kylie dhe Brandon u ndanë ani pse kishin fëmijë, kurse Kourtney e ka mundësinë që tashmë të zgjedhë për të ardhmen e saj.
Po ashtu, vlen të përmendet se bukuroshja e njohur dhe Scott kanë qenë më të afërt, që kur ky i fundit u nda nga Sofia Richie.
Ata së bashku me fëmijët e tyre të përbashkët kishin kaluar pushimet në resorte të ndryshme luksoze, nga edhe publikonin imazhe. /Telegrafi/
