Nuhi Bytyqi ishte reporteri kryesor i cili dërgonte imazhe dhe pamje filmike nga zonat e UÇK-së në televizionin shqiptar dhe mediat e huaja.
Bytyqi në “Debat Plus” me Ermal Pandurin në RTV Dukagjini thotë se mesazhet që dërgonte nga frontet e luftës kishin impakt të madh në Kosovë dhe në diasporë për të ndihmuar luftën e UÇK-së.
Reporteri i kohës së luftës thotë se ka pasur bashkëpunim të mirë me të gjitha zonat operative të UÇK-së.
“Kemi arritur t’u shpëtojmë forcave serbe falë popullit pasi nuk kishte lëvizje të mëdha në atë kohë. Populli na ka ofruar strehim dhe ushqim”.
Nuhi Bytyqi ishte reporteri i parë që bërë një dokumentarë pas ngjarjeve në familjen Jashari.
“Ne e bëmë dokumentarin me titullin “Sërish Drenica”. Intervistuam të gjithë protagonistët e ngjarjeve atje dhe transmetuam atë në TVSH. Ky ishte një moment kur u thye bllokada apo terri informativ nga Kosova”.
Bytyçi thotë sa me dokumentarët e tij ka paraqitur UÇK-në si ushtri që lufton për liri dhe që ka mbështetjen e popullit.
“Serbia dhe Rusia u mundonin ta paraqisnin UÇK-në si organizatë terroriste apo si grup me prirje marksiste-leniniste”, tha ndër të tjera Nuhi Bytyqi./Telegrafi/