Ministri i Arsimit Shkencës dhe Teknologjisë së Kosovës Shyqri Bytyqi, ka vizituar sot shkollën ‘Faik Konica’ në kryeqytet me rastin e aksionit “Ta pastrojmë Kosovën”.
Bytyqi, përmes një postimi në Facebook, ka thënë se ka vizituar shkollën “Faik Konica” në kryeqytet, ku nxënësit bashkë me mësimdhënësit e tyre po bënin pastrimin e ambientit përreth shkollës, si pjesë e aksionit “Ta pastrojmë Kosovën”.
Postimi i plotë i ministrit Bytyqi:
“Vizitova sot shkollën “Faik Konica” në kryeqytet, ku nxënësit bashkë me mësimdhënësit e tyre po bënin pastrimin e ambientit përreth shkollës, si pjesë e aksionit “Ta pastrojmë Kosovën”.
Ne kemi kërkuar nga të gjitha shkollat e Kosovës që të jenë pjesë e këtij aksioni të rëndësishëm për pastrimin e Kosovës dhe MAShT do të jetë në kontakt edhe me drejtoritë komunale të arsimit dhe do të kërkojë që gjatë kësaj periudhe, por edhe më vonë, përveç mbajtjes pastër të ambientit nëpër shkolla, mësimdhënësit të diskutojnë më shumë me nxënësit për ruajtjen e ambientit dhe rëndësinë e mbajtjes pastër të ambinetit, në mënyrë që të ngritet vetëdijësimi te të rinjtë tanë.
Besoj se të rinjtë tanë jo vetëm që do të jenë ruajtës të ambientit, por do të jenë edhe edukatorë për të tjerët për rëndësinë e mbajtjes pastër të ambientit”, ka shkruar Bytyqi. /Telegrafi/
