Një prej themeluesve të Lidhjes Demokratike të Kosovës, Jusuf Buxhovi, ka folur për aktualitetin politik në Kosovë, për Referendumin e vitit 1991, për proceset në LDK dhe për klasën politike në vend që, sipas tij, ia ka humbur shpresën popullit.
Buxhovi në “Rrokum Roll” të televizionit Rrokum ka thënë se dritën e gjelbër, në vitin 1991, për Referendumin për Pavarësi, e ka sjell presidenti Ibrahim Rugova, pas një vizite që ka bërë asokohe në SHBA. Ai ka thëne se gjatë kësaj periudhe referendumin e kanë ndjek rreth 200 vëzhgues të OSBE-së, se ishin 900 mijë votues, dhe se kjo ngjarje ishte gurthemeli i shtyrjes para të proceseve për Kosovën.
Buxhovi ka thënë se Kosova nuk rrezikohet nga jashtë, por nga një klasë korruptuar e cila e ka shkatërruar arsimin, kulturën, bujqësinë dhe krejt poret e shoqërisë.
“Po shkatërrohet ardhmëria e fëmijëve tonë. Po mbesim peng i disa kriminelëve të cilët po bëjnë vetëm mjegull dhe nuk po ngopen nga paratë dhe haraçi”, ka shtuar ai.
Ai ka thëne se vendit i duhet një klasë politike që do të përbëhej prej një grupi intelektualësh – si në vitet’90 – për ta nxjerr vendin nga ky kaos politik. /Telegrafi/
https://youtu.be/SXT8IyV9zk8