Historiani Jusuf Buxhovi duke komentuar deklaratat e Qeverisë së Kosovës lidhur me vendosjen e përmendores së Car Llazarit në veri të Mitrovicës, ka thënë se Qeveria po bën sjellje shumë hipokrite.
Deklaratat e Qeverisë, sipas tij, janë për keqardhje dhe fyese.
“Qeveria të del me një deklaratë të tillë kinse ai nuk mund të ngjallet por si të gjallët, si të vdekurit kanë rëndësinë e vet, është problemi se si do të trajtohet një çështje me interes. Është problemi që duhet të dilet dhe të thuhet se me pako të Ahtisarit kemi dhënë shumë dhe ata kanë të drejt të vinë dhe të vendosin edhe Millosheviçin. Unë dhe të tjerët mund të ndihen të fyer sepse mund të vinë militantët dhe të vendosin çka të duan”, ka thënë ai.
Ai ka shtuar se Cari si titull nuk ka ekzistuar dhe as vet historiografia serbe nuk e jep si të tillë.
Buxhovi ka sqaruar se në shekullin 19 hartografia serbe ka krijuar mitin dhe ua ka shpërndarë botës, duke iu ofruar mbi 150 libra, kurse historianët shqiptarë nuk e kanë kundërshtuar këtë mit.
“Histografia në Kosova nuk është von ë ti kthehemi një trajtimi objektiv, por për fat të keq një pjesë e historianëve janë hyzmetqar të politikës së sotme. Mesjeta duhet të definohet të shkruhet pasi këtu nuk ka pas shtet serb mesjetar”, ka thënë ai.
Përvetësimin e kësaj feste nga serbët, e ka quajtur një gabim të politikës që po e paguajnë të gjithë qytetarët e Kosovës.