Kryetari i Kuvendit, Jakup Kransiqi tha se Komisioni Kuvendar për Buxheti dhe Financa ka përgatitur raportin me vërejtjet nga shqyrtimi i parë dhe prêt që në këtë seancë buxheti të miratohet.
“Raportin me rekomandime do ta kenë në sirtarët e tyre deputetët gjatë këtyre ditëve, dhe unë shpresoj se ky ligj do të miratohet më 29 dhjetor 2009”, tha ai.
Ndërkohë, shefi i grupit parlamentar të AAK-së, Ardian Gjini, tha se ky grup do të votojë kundër. “Buxheti është diskriminues, buxheti nuk ndërton solidaritet mes njerëzve në Kosovë, e dëmton në fakt atë solidaritet mes njerëzve, dhe po ashtu ka zona të hirta, nëse guxoj të shprehem kështu, në buxhet ne nuk e dimë për shuma të mëdha të hollave , që kalojnë vlera qind-milionëshe se çka po ndodhë me to”, tha Gjini.