Mesfushori i Barcelonës, Sergio Busquets, ka folur sot në konferencë për shtyp, ku i është përgjigjur edhe pyetjeve për Andre Gomes.
Portugezi të hënë në një intervistë të dhënë kishte thënë se karriera e tij është kthyer në ferr te Barcelona.
Andre Gomes ka dështuar të përshtatet te Barcelona, ndërsa Busquets thotë se kanë provuar ta ndihmojnë.
“Ne dimë diçka, por jo në këtë pikë, sepse është një çështje shumë personale”.
“Ne kemi tentuar që ta ndihmojmë atë aq sa ka qenë e mundur”.
“Sipas meje Andre është gati të luajë. Unë e shoh atë në stërvitje, duke punuar maksimalisht, pastaj ndodh ajo që nuk është e mirë për askënd dhe merr problemin me vete në shtëpi”.
“Të gjithëve na ndodh. Kjo nuk i ka ndodhur vetëm atij, por të gjithëve”, ka thënë Busquets. /Telegrafi/