Wu Jianping nga Zhengzhou i Kinës, nuk ka mundur të merr kredi në disa banka, sepse nuk ka duar dhe e ka të pamundur të vë gisht.
Burri 25-vjeçar, nuk po ia lëshojnë paratë për të blerë shtëpi, vetëm për shkak mungesës së gjymtyrëve, jo pse nuk ka mundësi t’i paguajë këstet, transmeton Telegrafi.
Megjithëse ai mbanë lapsin në gojë dhe nënshkruan, bankat po e konsiderojnë këtë se mund të imitohet lehtë dhe i duhet gjithsesi të vë shenjat e gishtërinjve.
“Kërkesa ime po refuzohet pa arsye, ata duhet të kenë respekt për mua sepse jam me nevoja të veçanta”, ka thënë Jianping, i cili kur ishte pesëvjeçar, mbeti pa duar gjatë një aksidenti elektrik.
Prej se është bërë publik lajmi, disa banka kanë thënë se do ta marrin rastin në konsideratë dhe t’i lëshohet kredia vetëm me nënshkrim. /Telegrafi/
