Ky është momenti rrëqethës kur një burrë tenton ta kidnapojë një foshnje nga karroca, derisa kjo ngjarja e tmerrshme është filmuar nga kamerat e sigurisë.
Në video mund të shihet një burrë i paidentifikuar duke iu afruar karrocës brenda një dyqani, dhe atë në prezencë të foshnjës, transmeton Telegrafi.
Brenda 20 sekondave të kësaj video, burri mundohet ta kidnapojë foshnjën që ishte në karrocë derisa nëna e saj po priste në radhë që të paguajë gjësendet që i kishte blerë.
Sidoqoftë, ajo reagon shpejt duke iu kundërvënë, por në ndihmë i del bashkëshorti i cili i vërsulet burrit që deshi t’ua rrëmbejë foshnjën.
Ngjarja ka ndodhur në një dyqan në Philadelphia të Shteteve të Bashkuara, ndërsa policia u ka bërë thirrje të gjithë atyre që e kanë shikuar videon që t’iu ndihmojnë në identifikimin e burrit që tentoi ta kidnapojë fëmijën. /Telegrafi/
