Një burrë në Missouri i cili gabimisht ishte dënuar e burgosur për vrasjen e trefishtë që kishte ndodhur në vitin 1978 dhe që mbi 42 vite i kaloi prapa grilave, më në fund është liruar.
Kevin Strickland, 62-vjeç, arriti ta dokumentoj pafajësinë, pasi që ai u arrestua kur ishte vetëm 18-vjeç. Verdikti për ta futur prapa grilave ishte marrë në vitin 1979, transmeton Telegrafi.
“Kurrë nuk kam menduar se do të vijë kjo ditë”, tha Strikland para ndërtesës së gjykatës në Missouri të SHBA-ve.
Ishte një prej gabimeve më të mëdha në historinë e shtetit, por sipas ligjeve aktuale në Missouri, ai vështirë do të marrë ndonjë shumë të parave si dëmshpërblim. /Telegrafi/