Mënyra krijuese e një burri për të tërhequr vëmendjen te një gropë e rrezikshme në mes të një rruge ka çuar në veprime të shpejta nga qyteti i Houston-it.
Sipas mediave të huaja, përcjell Telegrafi, Ed Pettitt postoi një foto të tij duke qëndruar në gropën e thellë rreth 1 metër në Facebook dhe etiketoi “Houston Public Works” për të tërhequr vëmendjen e tyre.
Dhe postimi bëri më shumë sesa tërhiqte vëmendjen e tyre – u bë viral.
Kështu, disa ditë më vonë, qyteti dërgoi punëtorë për të mbushur gropën.
“Është për të ardhur keq, por nëse doni të tërhiqni vëmendjen e qytetit, ndonjëherë duhet të jeni pak teatralë dhe të postoni në mediat sociale”, ka thënë Pettitt.
Pettitt dyshoi se fajin e kishin zhvilluesit privatë dhe “Houston Public Works” konfirmoi se dukej si një prerje e paligjshme e rrugës për një lidhje uji që nuk ishte bërë siç duhet. /Telegrafi/