Një burrë nepalez theu rekordin e tij të katërt botëror Guinness duke zbritur 75 shkallë në duar në 25.03 sekonda.
Hari Chandra Giri, 29-vjeçar, eci me duar për të zbritur shkallët në tempullin budist Jamchen Vijaya Stupa dhe theu rekordin për kohën më të shpejtë për të zbritur 75 shkallë në duar, transmeton Telegrafi.
Rekordi i mëparshëm prej 30.8 sekondash u vendos nga amerikani Mark Kenney në vitin 2014.
Giri tha se ka ecur me duar që në moshën 8-vjeçare dhe me talentin e tij ka fituar më parë rekordet botërore për kohën më të shpejtë për të zbritur 50 shkallët në duar, 50 metra më të shpejtë duke ecur me duar me një top futbolli midis këmbët dhe më i shpejti 10 metra duke ecur në duar me një top futbolli midis këmbëve. /Telegrafi/