Një burrë kongolez u martua me trinjake në të njëjtën ditë, pasi thuhet se të tria i propozuan atij njëkohësisht.
Fotot e kësaj ceremonie martesore po shpërthejnë aktualisht në internet, transmeton Telegrafi.
“Duket sikur po ëndërroja!”, tha burri i identifikuar vetëm si Luwizo.
Sipas medieve të huaja, përcjell Telegrafi, dasma thuhet se u zhvillua në South Kivu, që gjendet në pjesën lindore të Republikës Demokratike të Kongos.
Gjithçka ndodhi kur dhëndri takoi një nga vajzat, Natalie, dhe u dashurua shumë shpejt me të. Megjithatë, gjërat morën kthesën kur Natalie e prezantoi atë me dy motrat tjera, Nadege dhe Natasha.
Burri 32-vjeçar ka pohuar gjithashtu se nuk ishte thjesht një martesë e rastësishme, pasi ai ishte vërtet i dashurua me trinjaket.
“Kur i thamë se duhej të martohej me të gjitha, ai u trondit”, tha njëra nga motrat.
“Por për shkak se ai tashmë kishte rënë në dashuri me të gjitha, asgjë nuk mund t’i ndalte planet tona, pasi ne ishim gjithashtu të dashuruara me të”. /Telegrafi/
